Iki cegeranyo ku nyifato y’agateka ka zina muntu mu Burundi kuva Ndamukiza gushika Ruheshi 2026,kiranagaruka ku burenganzira bw’abantu no muri politike,hamwe no ku burenganzira bw’imibano,ubutunzi n’imico kama.Iki cegeranyo kirangizwa n’ugusezera hamwe n’ibisabwa.
Gutyo, agateka ka zina muntu karasubiye inyuma bimwe biteye isoni: Haharuwe n’imiburiburi abantu 72 bishwe harimwo 40 batowe ibiziga,muri abo bishwe harimwo abagabo 51 hamwe n’abagore 21.Mubakorewe amabi,35 bakorewe amabi afatiye ku gutsina,harimwo 24 bashurashujwe ku nguvu.Mu bantu bakozweko n’amabi afatiye kugitsina harimwo abagore 28 n’abagabo 7.
Ibindi biharuro birimwo abantu 10 baborejwe igufa harimwo abagore 3,abantu 13 banyurujwe canke babuzwe irengero harimwo abagore 2,hamwe na 6 bahagaritswe biciye kubiri n’amategeko.
Naho abenshi mubakorewe amabi atawuzi aho bahengamiye muri poritike,twomenya ko abanywanyi b’imigambwe batashizwe inyuma,abo mu mugambwe uri ku butegetsi CNDD-FDD bagizwe na 12,uwo muri CNL 1 hamwe n’uwo muri FRODEBU 1.
Haragirizwa kandi abari mu kagwi k’imbonerakure,abo mu ntwaro,abo mw’iperereza,hamwe n’abaporisi,bafatwa ahanini nk’abagirizwa ihonyangwa ry’agateka ka zina muntu hamwe n’ubwicanyi buvugwa. Soma icegeranyo