Iki cegeranyo cerekana ukuntu agateka ka zina muntu hamwe n’umutekano bigeze ahatemba mu Burundi. Haharurwa abantu 6 bapfuye, bose batowe ibiziga. Vyongeye, umuntu umwe yaranyurujwe, 2 baraborejwe igufa, 5 bahuye n’ihohoterwa rifatiye ku gitsina harimwo 3 bafashwe ku nguvu b’abana bato
hamwe n’umwe yahagaritswe bidaciye mu mategeko.
Agateka ku bantu no muri politike,mu butunzi n’imibano hamwe no mu mico kama navyo birihwezwa
muri kino cegeranyo.Ishusho ya politike,umutekano,abantu n’ubuntu ,intwaro hamwe n’agateka ka zina
muntu navyo nyene biravugwa ko.
Imbonerakure, abapolisi be n’abo mu ntwaro nibo ahanini bikekwa ko ayo mabi yo kutubahiriza agateka
ka zina muntu. Soma icegeranyo