Ico cegeranyo c’ukwezi kwa Ruhuhuma 2026 kigizwe n’uruvange rw’ivyegeranyo vy’indwi Iteka n’ Ijambo kuva kuri nomero 512 gushika kuri nomero 515. Ico cegeranyo cihweza agateka ka zina muntu.Kiragaruka ku burenganzira bw’abantu no muri politike hamwe n’uburenganzira ku butunzi, imibano n’imico kama co kimwe n’uburenganzira bw’imigwi canecane uburenganzira bw’abana. Ico cegeranyo kirangiza mu mpera n’uguszera hamwe n’ibisabwa.
Gutyo, agateka k’abantu no muri politike muri kino cegeranyo co muri kuno kwezi kaboneka ugukwirikira : abantu 35 barishwe harimwo 23 batowe ibiziga, abantu 4 baborejwe igufa,abantu 7 banyurujwe, abantu 4 bakorewe amabi afatiye ku gitsina harimwo 3 bafashwe ku nguvu bose bafise imyaka iri musi ya 18.
Mu bagize ivyago harimwo abagore n’abakobwa11 bishwe, abagore n’abakobwa 3 banyurujwe, abakobwa 3 bafashwe ku nguvu,umugore 1 yakorewe amabi yo munzu, umumenyeshamakuru w’umugore yahagaritswe yongera arapfungwa biciye kubiri n’amategeko hamwe n’abana 11 bishwe.
Imbonerakure, abapolisi, abo mu ntwaro n’abasirikare hamwe n’abandi bantu batari kure y’abanywanyi b’umugambwe uri ku butegetsi CNDD-FDD baradomwako urutoke nk’abikekwa ko menshi muri ayo mabi ku gateka ka zina muntu n’ubwicanyi. Soma icegeranyo