Ico cegeranyo c’ukwezi kwa nzero 2026 kigizwe n’uruvange rw’ivyegeranyo vy’indwi Iteka n’ Ijambo kuva kuri nomero 508 gushika kuri nomero 511. Ico cegeranyo cihweza agateka ka zina muntu. Kiragaruka ku burenganzira bw’abantu no muri politike hamwe n’uburenganzira ku butunzi, imibano n’imico kama co kimwe n’uburenganzira bw’imigwicanecane uburenganzira bw’abana.Ico cegeranyo kirangiza mu mpera n’uguszera hamwe n’ibisabwa.
Gutyo,agateka k’abantu no muri politike muri kino cegeranyo co muri kuno kwezi kaboneka ugukwirikira: abantu 34 barishwe harimwo 20 batowe ibiziga, abantu 2 baborejwe igufa, abantu 2 banyurujwe, abantu 21 bakorewe amabi afatiye ku gitsina harimwo 20 bafashwe ku nguvu muribo 16 ari abana b’abakobwa.
Mu bagize ivyago harimwo abagore 7, abana 5 hamwe n’abakobwa 20.
Imbonerakure,abapolisi, abo mu ntwaro n’abasirikare hamwe n’abandi bantu batari kure y’abanywanyi b’umugambwe uri ku butegetsi CNDD-FDD baradomwako urutoke nk’abikekwa ko menshi muri ayo mabi ku gateka ka zina muntu n’ubwicanyi. Soma icegeranyo